Bruce Melodie arabeshyuza amakuru avuga ko yakoze itsinda na Amag The Black

Nyuma y’ iminsi itari mike hari amakuru avuga ko Bruce Melody yaba yariyunze n’ umuhanzi Amag The Black bakaba basigaye ari itsinda ariko ritaratangazwa izina, kuri ubu babihakanye bavuga ko buri wese aririmba ku giti cye kandi ko batanabiteganya.
Mu kiganiro imirasire.com yagiranye n’ aba bahanzi, umuhanzi Bruce Melody yagize ati : ’’ Amag The Black ni umuhanzi tumaranye igihe akaba ari inshuti yange cyane ndetse n’ iyo ari muri studio akenera ibitekerezo byanjye nkagenda nkamufasha ni yo mpamvu indirimbo ze nyinshi numvikanamo na we akumvikana mu zanjye, ibyo kuba twarahindutse groupe rero nk’ uko Dream Boyz bakora cyangwa Urban Boyz byo ntibirimo kuko buri wese muri twe aririmba ku giti cye.’’

Twababwira ko amakuru yari yatangajwe n’ibinyamakuru yavugaga ko aba basore bagiye gukora itsinda bazitirira amazina yabo biswe n’ababyeyi ari yo “Itahiwacu & Hakizimana”. Ariko ngo ntibagiye guhagarika kuririmba buri umwe ku giti cye nk’ uko basanzwe bakora muzika yabo; aba basore bakaba baje kubitera utwatsi nyamara ibyo binyamakuru bivuga ko ari bo bari babyitangarije.

Aba bahanzi ubusanzwe ni bo bahanzi bamaze gukorana indirimbo nyinshi, kuko usanga indirimbo za Amag The Black hafi ya zose zumvikanamo ijwi rya Bruce Melodie,ariko Bruce Melody we avuga ko iby’ iryo tsinda ntabyo azi.
Kugeza ubu aba basore bosew bakaba bari kubarizwa mu bahanzi bahatanira irushanwa rya Primus Gumaguma super star kunshuro yaryo ya kane ndetse bakaba bari no kugenda bigaragaza mu muziki ku buryo butandukanye.

source:Imirasire