Ibintu 7 nibura byagufasha gukemura amakimbirane mu buzima bwawe bwa buri munsi

Ni Gute Wakemura Ibibazo By'imibanire Mibi N'abo Mu Bana? Nubwo Ntazibana Zidakomanya Amahembe, nibyiza Kwita Kuri Ibi:

 1.Ha Agaciro Ibyiyumviro Bya Mu Genzi Wawe: Nushobora Kumenya Ibintu Mugenzi Wawe Afata Nkaho Ari Ingenzi Kuri We,bizagabanya Amakimbirane Hagati Yanyu. 

2.Iga Ku Mutega Amatwi: Igihe Cyose Uteze Amatwi Mugenzi Wawe Utamuca Mu Ijambo,ukamuha Umwanya Akakubwira Ikimurimo Bigufasha Kumenya Uko Wamubata. 

3.Erekana Umutima Mwiza: Ibikorwa,amagambo Y'ubufasha Bijye Bikuranga Mugihe Urikumwe N'inshuti Mushimire Kdi Umutere Umwete Mubyo Akora. 

Umuryango ufite ubwumvikane urangwa n'umunezero

4.Gabanya Ibiganiro Biganisha Ku Kwikunda: Gerageza Guca Bugufi Wumve No Kurundi Ruhande.Bizatuma Abandi Babona Ko Ntakindi Wifuza Uretse Imibanire Myiza. 

5.Tanga Kdi Ushime Igihe Uhawe: Ntukumve Ko Ibyo Watanze Bigomba Kugira Inyungu Bikuzanira Burigihe.Nukorera Bagenzi Bawe Ibyiza Reka Abe Aribo Batekereza Uburyo Bagushimiramo. 

6.Sangiza Abandi Ibigushimisha: Vuga Ibitekerezo Byawe,ibyo Wishimira N'ibikubangamira Kuko Ntawabirota Utavuze. 

7.Ba Uwizerwa Sohoza Amasezerano Watanze Kdi Wirindeko Witwa Indyarya.

Ibyo byavuye mu bushakashatsi bwakozwe n’Umunyamerika Dr Olivier Walusinski, inzobere mu byo kwayura. Aya makuru yashyizwe ku mugaragaro n’urubuga rwa interineti rwa le figaro.fr.
Nk’uko ibikururanda (inzoka, imiserebanya) bibona umwuka utuma ubushyuhe butiyongera mu mubiri, ni nako umuntu n’ibindi bisimba bifite urutirigongo biwukura mu kwayura.
Ibyo bikaba bikorwa iyo byayuye hinjira umwuka ukonje hagasohoka ubushyuhe unyura mu kanwa.
Ubwo bushakashatsi bwerekanye ko kandi umwana uri munda yayura mu gihe cy’ibyumweru 10 na 11 amaze kugira ingingo zose z’umubiri.
Bifasha umwana kubona umwuka uhagije ukenewe mu bwonko.
Iyo ubwonko butabonye umwuka uhagije bituma habaho kuribwa umutwe, umunaniro ukabije, cyangwa izindi ndwara zibasira icyo gice cy’umubiri.
Ni yo mpamvu habaho kwayura kugira ngo ubushyuhe butiyongera.
Dr Olivier Walusinski ntiyagaragaje ikigero cy’ubushyuhe ubwonko bukenera, ariko yavuze ko nta muntu ukwiye guterwa ikibazo no kwayura kuko ari ingirakamaro.
Umuntu yayura iyo ashonje, ananiwe abyutse cyangwa afite ibitotsi.
Hari n’ubwo bibaho mu gihe umuntu arebye undi yayura na we bikamubaho.
- See more at: http://imboni.com/spip.php?article1050#sthash.fRzBT039.dpuf

ACNE: kuki abantu bamwe barwara ibishishi abandi ntibabirware?

Bimenyerewe ko ibishishi birwabwa n’abangavu n’ingimbi gusa ariko byaragaragajwe ko hejuru ya kimwe cya gatatu cy’abagore bakuru nabo bagira ibishishi. Ibishishi bibuza benshi amahoro bikababihiriza bituruka he?

Ibishishi ni iki?

Ibishishi ni indwara ya glandes sébacées, igaragara mu buryo butandukanye kandi ijyenda ikura mu bice bitandukanye.

Igaragara cyane cyane kuri 80% by’ingimbi n’abangavu, ariko inyigo nyinshi zakozwe zerekanye ko umugore umwe kuri batatu, b’imyaka 25 kujyeza kuri 40 nabo barware iyo ndwara y’uruhu.

Glandes sébacées, ziba mu twenge tw’uruhu, zivubura amatembabuzi yitwa sébum, isohokera muri utwo twenge tw’uruhu nyine ikabera uruhu amavuta ikanarurinda. Iyo umuntu arwaye ibishishi, glandes sébacées zirifunga, sébum igaheramo igakora agaheri. Hari igihe ako gaheri kameneka kakavamo agasoro kumweru, nyuma kakuma, ariko hari n’igihe igiheri kibyimba kikagira agatwe k’umweru. Abantu ntibarwara ibishishi kimwe bitewe n;imiterere y;uruhu rwabo kuko usanga umwe afite uruhu rukomeye undi rworoshye cg se umwe utwenge tw’uruhu twe dufunguye undi ari duto cg twifunga byoroheje.

Gusa iyi siyo mpamvu nyamukuru itera ibishishi. ivuburwa rya sébum niyo impamvu nyamukuru, ku bantu bafite sébum nkeya, n’ubwo utwenge tw’uruhu rwabo twaba duto, sébum irasohoka nta kibazo. Gusa mu gihe sébum ari nyinshi cyane, ijyenda ifunga utwo twenge bigatera ibishishi. Ubusanzwe ibishishi ntibisiga inkovu, gusa usanga bimwe bibyimba bikunze gusiga inkovu zigizwe n’utuntu tumeze nk’utwobo. Ni bibi cyane rero kubimenagura, kubikanda no kubishima kuko bitera inkovu zishobora kudasibangana.

Ivuburwa rya sébum nyinshi riterwa ni iki?

Ivuburwa rya sébum rijyengwa n’imisemburo y’umubiri(hormones). Imisemburo gabo yitwa androgènes ni yo itsimbura ivuburwa rya sébum. Iyo habayeho akabazo ko kutaringarira kw’imisemburo (déséquilibre), nko kwiyongeraho gato kwa androgènes cg progestérones, ibishishi bishobora guhita bishibuka. Akenshi usanga ingano y’imisemburo ari isanzwe ariko glandes sébacées zumva cyane androgènes. Ku bagore bakuze, ibishishi biterwa ahanini n’ikibazo cy’imisemburo. Mu gihe kiri hafi yo kujya mu mihango buri kwezi, kubera imisemburo myinsi iba yarekuwe, usanga ibishishi biza ariko bikamara iminsi mike, ku basanzwe bafite iyo misemburo ku bwinshi uko kuza rimwe na rimwe kw’ibishishi ntikubaho kuko babihorana. Bitangira kwigaragaza ku myaka y’ubugimbi (18) bikajyenda burundu ku myaka 30-35.

Ibishishi bivurwa bite?

acne

Kuko ari indwara iterwa n’ikibazo cy’imisemburo mu mubiri n’ubundi iyo misemburo yanabivura. Ni ukuvuga ibinini biringaniza urubyaro( pilules contraceptives) cyane cyane izirimo progesterone zirabikiza gusa iyo bihagaritswe nyuma y’amezi 3-4 biragaruka nubwo byaba byarakize.

Muganga ashobora kwandikira umurwayi w’ibishishi ibinini birimo oestrogène na progestérone na acétate de cyprotérone.

Naho kubijyanye n’ibyo kwisiga biterwa n’uburyo ibishishi bikaze.akenshi aba ari amavuta abobera( crèmes hydratantes aux acides de fruits AHA), afasha mu gufungura utwenge tw’uruhu. Ayo mavuta akoreshejwe mu gitondo na nijoro, abanzirizwa no gukaraba isabune zoroheje.

Ibinini by’igihe kirekire bya antibiotiques (cures à faible dose) cyane cyane izo mu bwoko bwa cyclines, zirinda ibishishi kubyimba.

Iyo ibyo byose byanze, muganga w’uruhu ashobora guhindura uburyo yavuraga agakoresha noneho imiti ikaze y’igihe kirekire cyane cyane ituruka kuri vitamine A, gusa isaba gufatanywa na pilule.

Ibijyanye no kwisiga mu maso

Ni byiza kwirinda gukoresha amasabune arimo savon (soap), kuko ahutaza uruhu bikongera sébum. Ni byiza kubanza kureba niba isabune cg amavuta ugiye gukoresha yarakorewe inyigo yemeza jko adafunga utwenge tw’uruhu.

No ku byerekeye maquillage si byiza rwose gukoresha fond de teind ku bantu bafite ikibazo cy’ibishishi kuko irushaho gufunga utwenge tw’uruhu.ni byiza kurureka rugahumeka.

Isura nicyo gice cy’umubiri gifite amavuta menshi, cyane ko sébum ifite akamaro ko kurinda uruhu kuko isura ariyo ikunze kuba iri hanze mu gihe ibindi bice by’umubiri biba bitwikiriwe n’imyenda. Gusa sébum ntiba ku isura yose, yibanda ku zuru, agahanga no ku kananwa ari naho hakunze kwitwa zone T hakunze no kuza ibishishi, ku bantu bagira sébum nyinshi ibishishi biza mu maso hose.

Ibyafasha mu kugabanya ibishishi

Kurya indyo imwe runaka ntibishobora gutera ibishishi, gusa kurya indyo ituzuye kandi irimo ibinure byinshi bishobora kubyongera

Kunywa itabi nabyo byongera cyane ibishishi

Kugira stress nabyo byongera ibishishi, kuko sébum ivuburwa kugirango irinde uruhu mbese ni igikorwa cy’uburinzi cy’umubiri, iyo rero umubiri wumva wugarijwe urushaho uburinzi na sébum ikaba nyinshi

Izuba naryo rigabanya ibishishi kuko ribibuza kubyimba rikanabyumisha, gusa iyo umuntu ari ku zuba uruhu rurabyimba kugirango rwikingire, ibi rero bigatuma utwenge twarwo twifunga, waza kuva ku zuba ibishishi bikagaruka

Gukoresha pilule nk’umuti w’ibishishi bishobora kugira ingaruka zitari nziza, ni ngombwa cyane kubiganiraho na muganga akaba ariwe utanga uburenganzira n’uburyo bwo kubifata

Ku bagore bamwe na bamwe, gutwita kujyana no kwiyongera kw’ibishishi bitewe no kwiyongera kw’umusemburo progestérone, yamara kubyara agasubira uko yari ariko bitavuze ko ibishishi bikize burundu.

Kwirinda gukoresha amavuta arimo hydroquinone cyane cyane ku bantu bafite ibishishi kuko nubwo bigabanuka, iyo urekeye aho kuyakoresha bigaruka ari byinshi cyane kandi hydroquinone yangiza uruhu bishobora no kuvamo cancer.

Kuragiza vuba biravugwa? Bivugwa ryari?

Ubundi akenshi kurangiza vuba ntibiba ari indwara. Gusa, biba bishobora kugira ingaruka ku mibanire y’uyu mugabo urangiza vuba n’umugore we. Icyo biba bisaba ahangaha rero, ngo ni ukumenya gutinza ukurangiza kwawe kugirango ubashe gusangira ibyishimo byawe n’uwo muri kumwe.

Ariko se kurangiza vuba bivugwa ryari?

Ibitabo bitandukanye birimo The Journal of Sexual Medecine hamwe na Premature Ejaculation and Men Orgasmic Disorder bigaragaza ko kurangiza vuba bivugwa iyo umugabo atabasha kuyobora (contrôler) ukurangiza kwe, nyuma yo gukora imibonano inshuro nyinshi kandi azikorana n’umugore umwe, cyangwa se abagore badahinduka. Ibi bikaba bimubaho kuva yatangira gukora imibonano mpuzabitsina bwa mbere. Hakaba nanone ubwo bavuga kurangiza vuba biziyeho (éjaculation précoce secondaire) ha handi noneho umugabo ashobora kuba yarangirizaga igihe abishakiye, ariko nyuma y’igihe runaka agatangira kuzajya arangiza atabanje kubitekerezaho cyangwa se kubiyobora. Bikamutungura. Ibi ngo bikunda kubaho nyuma y’uko umugabo ahura n’ibintu bimutesha umutwe cyangwa se bimuhangayikishije bikomeye.

Niba bikubaho si wowe wenyine

Iki ni ikibazo gisangiwe n’abagabo benshi cyane hirya no hino ku isi. Aho ngo 1/3 cy’abagabo bajya kureba aba sexologues, usanga ari ababa bafite iki kibazo. Mu kubisuzuma, ngo basanze benshi muri aba bagabo bafite ikibazo cyo kurangiza vuba baba babiterwa n’umujinya mwinshi bagira, isoni nyinshi se, cyangwa nanone agahinda gakabije ; cyane cyane ko noneho na kimwe cya kabiri cy’abagabo barangiza vuba usanga bihamya ikosa ryo kuba bataryohereza abo babonana.

Ku bagikora imibonano bwa mbere rero, nta mpamvu yo guhangayika ngo wasanga ndangiza vuba bitewe n’igihe wamaze. Ngo ni ibisanzwe ko ku mibonano ya mbere umugabo arangiza vuba kubera ko umubiri we n’ubwonko biba bitaramenyera ibyo byiyumvo bishyashya uterwa no gukora imibonano mpuzabitsina. Icyo rero uba ugomba gukora, ni ukwirinda guca iya bugufi ahubwo ukita cyane ku gutegurana kuko aribyo bizatuma umenyera imibonano bityo bikazagufasha kujya wiyobora mu bijyana n’igihe cyo kurangiriza.

Icyo ugomaba kumenya igihe urangiza vuba

- Niba ushaka gucika ku kurangiza vuba, birasaba ko wumva ko ushaka kubikora koko, kandi n’uwo mubonana nawe akiyemeza kubigufashamo. Bitabaye ibyo ntacyagerwaho.

- Ikindi ni uko ugomba kugira ikizere ko uzageraho ugashobora kwiyobora, kurangiza vuba bigahagarara, kuko iyo nta kizere ufite biba birangiye. Gukora imibonano bisaba ko mu mu mutwe haba hifitiye ikizere. Iki kizere ugomba kukihingamo, ubifashijwemo n’umugore wawe, bitabaye ibyo ni ngombwa kureba muganga kugirango abigufashemo.

- Ikindi ugomba kumenya kugirango kibashe no kuguha ikizere, ni uko kurangiza vuba bidaturuka ku bumuga ubwo aribwo bwose bw’umubiri. Umugabo aba ari muzima.

- Iyi sensibilité yo ku mutwe w’igitsina itera umugabo kurangiza vuba, ugomba kumenya ko nayo ishobora kugabanyuka cyangwa se guhinduka.

- Kurangiza vuba si ikosa ryawe, ahubwo ni ikimenyetso cy’uko umubiri wawe ukora neza.

- Ubwo twavugaga ko umugore yabigufashamo, ahangaha humvikana ko ikiganiro ari icy’ingenzi cyane. Umugore ashobora kuba ariwe utangira kubivugaho kubera ko wenda wowe byakunaniye ahubwo uhora ubyigunganye, utekereza uko abifata, akaba yakubwira ko mushaka uko mubigenza kugirango nawe yishime, kandi akwereka ko icyo kibazo atari ikosa ryawe kandi ko bitamubuza gukomeza kugukunda cyane. Kugira umuntu nk’uwo ukumva kandi ushaka kugufasha iruhande rwawe, nabyo birafasha cyane.

- Ntugomba gutinya na rimwe icyo uwo mwabonanye akuvugaho niba udafite umugore mwashakanye, ahubwo ugomba guhora wiyumvisha ko uzabigeraho byanze bikunze.
Icyo wakora
Dore rero imyitozo wagerageza gukora kugirango urebe ko wakira kurangiza vuba. Iyi myitozo ni igufasha kwiyobora. Kandi icyo uyobora si uguhagarika gusohora kuko bidashoboka, ahubwo icyo iyobora ni niveau y’ibyishimo ugeraho, ibyo byishimo bikaza gutuma amasohoro ahita atangira kwisuka. Naho iyo yatangiye kwisuka bwo, ntabwo uba ukibihagaritse biba birangiye :

1. Ugomba kugerageza kutanyunya igitsina gabo n’amatako kuko aribyo byerekeza ku kurangiza. Ibi ukabikora ugerageza kumenya niveau y’ibyishimo ugeraho bikagusunikira guhita urangiza

2. Umugabo ufite iki kibazo cyo kurangiza vuba yakagombye gukoresha exercices cyangwa se udusiporo duto imitsi ye iba hepfo y’igitsina, kuko bimufasha kumenya ko iyo mitsi cyangwa se iyo mikaya ihaba kandi akamenya n’uburyo bwo kuyikoresha mu gihe cy’ibyishimo.

3. Kugerageza kumenya ahantu hamutera ibyiyumvo cyangwa se ibyo akora bimutera ibyiyumvo bimuganisha ku kurangiza, kugirango atazongera gutungurwa no kubona arangije atabitekerejeho.

4. Umugabo nanone ngo ashobora kuba yakora imyitozo imifusha kwimenya no kwikontrola, urugero nka Yoga, bizamufasha kumenya cya gihe aba agiye gusuhora bityo bikamubashisha kwokontorola (se contrôler)

5. Kwikinisha nacyo ni bimwe mu bishobora gufasha umugabo kwimenya kugirango acike ku kurangiza bimutunguye, ariko ibi ngo bigasaba ko atabikora agambiriye kurangiza gusa nk’uko aba ariyo ntego y’abagabo benshi bikinisha, ahubwo agambiriye kumenya uko bimugendekera igihe ibyishimo bizamutse bimuganisha gusohora, n’uburyo yabyitwaramo kugirango abe abicubije gato maze akomeze ibyo yarimo.
Hari n’izindi techniques zagiye zivumburwa n’abahanga.

1. Uwitwa Seemans yavumbuye technique maze iza gutsindagirizwa na Masters na Johnson bayita squeeze : aha ngo umugabo igihe yumva ibyishimo bitangiye kuzamuka bimusunikira kurangiza, acira isiri umugore baba barabyumvikanyeho mbere y’igihe, ariko kandi akabikora bitararenga inkombe, noneho wa mugare ngo akamufatira munsi y’umutwe w’igitsina akahakomeza. Uku kuhafatara nta kandi kamaro gakomeye hafite, ahubwo ngo ni nko gufasha umugabo kubona ko koko yamenye ko agiye kurangiza, bityo bikamufasha gukomera ku cyemezo cye cyo gutinza kurangiza. Aramutse abivuze byarenze inkombe, icyo gihe biraza nta kabuza.

2. Undi witwa Kaplan we yahimbye uburyo bwitwa Stop and Go : Aha ho ni uguhinduranya uburyo umugabo yiyumva, ndetse rimwe na rimwe agasa n’ubihagaritse mo gato, byose akabikora akurikije uko yumva ibyishimo birimo bimuzamukana. Ahangaha umugabo asabwa kwibanda ku byiyumvo bye, hanyuma yakumva bigiye kumucika agacira isiri uwo bakorana imibonano maze bose bagahagarikira rimwe ibyo bakoraga ntihagire unyeganyega. Hanyuma yakumva yongeye kwimetriza (se maitriser) bakongera bagakomeza ibyo bari barimo.

3. Iyi ibi byose rero bigeragejwe ntibikunde, kwa muganga baba bashobora kugira imiti baguha yagufasha, les antidépresseurs, ariko kubera ko usanga imiti hafi ya yose igira ingaruka ku muntu, biba byiza kubanza kugerageza ibindi, kandi byaba ngimbwa kuyifata, ukayifata wayandikiwe na muganga.

Mu kurangiza, ibuka ko igihe cy’imibonano mpuzabitsina ari igihe gituje, kizihiza, gihuza abantu babiri mu ibanga ryabo, kandi kikaba n’igihe cyiza cy’akaruhuko. Si byiza rero kukinjiramo uhangayikishijwe no gukorera umuntu mu buryo bunaka utabashije. Ibuka ko akenshi kurangiza vuba biterwa no kwinjira. Pénétration. Nyamara hakaba habaho ubundi buryo bwinshi cyane butandukanye ushobora gukoreramo umuntu imibonano kandi akizihirwa utiriwe winjira. Ibyo byose rero ushobora kubigerageza ariko icyo gikorwa mukakirangiza mudaciwe intege no kurangiza vuba.

Ubushakashatsi bwagaragaje ko nta mugabo utunganye ubaho

Benshi cyane bibaza impamvu ingo zimwe zigira umunezero izindi ntibizihire ibyo bigatuma hari abakeka ko hari abagabo batagira inenge ariko ubushakashatsi bwakorewe ku bagore 2000 bwagaragaje ko muri bose nta numwe wemeje ko umugabo we ari intungane.

Ubu bushakashatsi bwakozwe na Nikki Mc Reynolds abukorera Remington. Ubushakashatsi bwabazaga uko buri wese anezerewe we n’umugabo we.

Iby’umugabo uzira inenge benshi bakekako abaho basanze ari inzozi doreko ubwo bushakashatsi bwerekanyeko umuntu umugabo ugerageza kuba mwiza cyane atarenza 69% by’ibyo yifuzwaho n’umugore.
Nk’uko inkuru dukesha urubuga rwa 7sur7 ibivuga, byinshi mubyo abagore batishimira ni imibanire y’abagabo babo n’imiryango y’iwabo w’umugore, uburyo abagabo batabasha gukora ibintu byinshi icyarimwe n’andi makosa atandukanye.

Icyagaragaye muri ubwo bushakashatsi ni uko kimwe cya gatatu cy’abagore batishimira kureba iby’imipira n’amasiporo kuma televiziyo nk’uko abagabo babo babikunda ibyo bikaba byabatuma batabona neza abagabo babo.

Muri ubwo bushakashatsi byagaragaye ko abagore bakunda umugabo w’inyangamugayo, umugabo w’umunyarwenya ndetse n’umugabo ushyitse mu bigango kandi ufite uburanga.

Uramutse uterese bakagutera utwatsi, menya inzira nziza wanyuramo!

Waba usaba ubucuti abakobwa bakagutera utwatsi? Sobanukirwa impamvu bikugendekera gutyo ndetse umenye n’ibyo usabwa kugira ngo ukunde ubone umukobwa w’inzozi zawe

 

Hari abasore/abahungu bamwe na bamwe basaba ubushuti  ariko ugasanga ntibikunze kubahira, buri gihe bagahora baterwa utudobo (babengwa) ariko ntibamenye impamvu ibitera ndetse ugasanga rimwe na rimwe bakurijemo no kwiheba cg se gucika integer, aho bamwe bafata umwanzuro ko nta mukobwa n’umwe bazongera gutereta cyangwa se bagakomeza gukoresha uburyo budakwiye bigakomeza kubapfana; ibi bigatuma bamwe bibaza ibibazo byinshi, harimo nko kwibaza niba ari uko nta gikundiro bafite, amafaranga  se, n’ibindi.  Burya rero ngo si ko biri kuko  uko waba umeze kose ushobora gusaba ubushuti ukabuhabwa ahubwo ngo ikibazo ni uko waba ubikora mu buryo  butari bwiza.

Dore rero inama zo gukurikiza ubundi ugasaba urukundo kandi ukaruhabwa:

Wowe muhungu/musore, igihe cyose ufashe umwanzuro wo kujya gusaba ubucuti, banza umenye ko atari itegeko ko buri mukobwa wese usabye ubucuti agomba kukwemerera nubwo wahatiriza  gute kuko bishoboka ko uwo  mukobwa yaba afite indi ncuti, afite ibindi bimuhugije cyangwa se yumva atanameze neza ku buryo yakwinjira mu by’urukundo, dore ko bitanoroshye. Rero mbere y’uko ujya gusaba ubucuti  banza umenye ko ibi byose bishobora kubaho. Mu gihe kandi bikubayeho wicika intege cyangwa se ngo ufate umwanzuro wo kubireka burundu, komeza ugerageze  kuko uwo si we wawe, uzabona undi mukobwa w’inzozi zawe.

Ngo haba hari amakosa menshi ajya akunda gukorwa n’abasore iyo barimo kwaka ubucuti ariko ntibabimenye, nyamara ngo mu gihe wabimenye ntabwo bishobora kukwangira. Niba rero wifuza gusaba ubucuti bikaguhira burya ngo gerageza kwirinda amakosa akurikira kuko wasanga ari yo mpamvu bitajya biguhira hanyuma unakurikize inama uribugirwe:

1. Ikosa  rya mbere ugomba kwirinda ni iryo kugaragaza ko utifitiye icyizere imbere y’uwo usaba ubucuti

Ngo mu gihe urimo uvugisha cyangwa se uganiriza umukobwa wumva yakubera incuti, gerageza umwereke ko wifitiye icyizere kuko ngo burya abakobwa bakunda abasore bigirira icyizere. Muvugishe wisanzuye kandi ucisha make kuko ngo numuvugisha wikomeje, umukanga,  nta cyo azakumarira. Ariko numwisanzuraho kandi ugacisha make azakwisanzuraho akubwire byinshi wifuza kumumenyaho, ari yo nzira yo kukwemerera ubucuti.

2. Irinde ikosa  ryo guhubuka umubwira ibigambo byinshi n’imitoma itagira ingano

Burya ngo abakobwa benshi ntibakunda abasore bahubuka , bakunze kugira ibigambo byinshi ndetse bakanabivanga n’imitoma mu gihe bitari ngombwa. Akenshi rero abahungu bakora ibi bagira ngo ni bwo bari bukurure abakobwa ariko burya  ngo si ko biri kuko biba bigaragaza ko ibyo bintu uvuga uhubutse bitagufasheho bityo ngo akabona ko udakomeye mu byo uvuga. Mugihe rero ngo ugiye gusaba ubucuti genda wiyoroheje (wibigira intambara), umusuhuze unamwibwire mu gihe ubona ashobora kuba atakuzi neza, umubwire n’utundi tugambo dusazwe nko kumubaza niba yaryohewe, uko ijoro ryamugendekeye, n’ibindi bitewe n’igihe, wirinde kumusaba ubucuti ako kanya, bityo ngo azabona ko uri umuntu warezwe kandi ushobora gusabana biguheshe amanota meza imbere ye.

3. Irinde kuba wamuhagarara iruhande cyangwa se ukamurindira igihe kinini  mu gihe ari kumwe na bagenzi be (abakobwa b’inshuti ze)

Iri ngo ni ikosa rikomeye rikunda gukorwa n’abahungu benshi, ukabona umukobwa ari kumwe na mugenzi we bakeneye kwiganirira utuntu twabo, na we kuko wumva wamuhora iruhande ntubahe akanya ngo biganirire. Ibi rero ngo bibangamira abakobwa batari bake aho baba babona atari ikinyabupfura cy’umuntu  wifuza ko yakubera inshuti.

Mu gihe ubonye ngo arikumwe cyangwa se ahuye n’izindi nshuti ze mubwire ko wishimiye kumubona, no kumenyana n’izo ncuti ze umusabe nimero ye ya telephone, hanyuma ubabwire  ko udashoboye gukomeza kuba hamwe na bo  kubera izindi gahunda ufite, ubasezere wigendere ubundi ukomeze gahunda zawe, werekane ko ufite ubuzima bwawe kandi uzi kubwitwaramo,  icyo wari kumubwira uzakimubwire ubutaha  cyangwa uze kumuhamagara ugeze  mu masaha ukeka ko adahuze, hanyuma na wa mukobwa usaba urukundo, azibuka ko  wamwubashye kandi ukubaha n’inshuti ze, abone ko witwara nk’umuntu ufite ikinyabupfura kandi warezwe abe yakwifuza ko wazamubera ishema no muri bagenzi be ndetse kandi ngo n’umwe bari bari kmwe azamugushimira.

4. Irinde ikosa ryo kwaka nimero cyangwa se kubaza andi makuru wifuza kumenya  ku mukobwa hanyuma ngo nurangiza uhite ujya kuvugisha undi mukobwa  na wa wundi wifuza kwaka ubucuti agihari akureba

Ibi rero ngo ni bibi cyane kuko wa mukobwa ahita abona ko nta gahunda ugira  kandi ko ukunda abakobwa benshi. Mu gihe  rero ngo umaze kumwaka numero ye ya telephone, hita ugenda niba hari na gahunda wari ufitanye n’abandi bakobwa hafi aho ube uretse, ubikore ariko yagiye ngo naho ubundi biguha isura itari nziza imbere ye hakaba nubwo  ushobora no kuza kumuhamagara ntanakwitabe kuko nta gihe cyo guta ku muhungu nk’uwo afite.

5. Wikora ikosa ryo kwiyemera imbere ye (Kumwereka ko uri umuntu ukomeye)

Usanga abasore benshi bibwira ko nibatiyemera ngo bivuge ibigwi abakobwa batari bubemere ariko ngo burya si ko biri, itondere kuba uri imbere y’umuntu wifuza kwaka ubucuti ngo  utangire kumbwira uko ukomeye, amafaranga ufite,  akazi ukora, inzu ubamo, ubwoko bw’imodoka utunze cyangwa se n’undi mutungo wawe, kuko ngo ibi abakobwa benshi  bifuza gukunda no gukundwa urukundo nyakuri atari byo baba bifuza kumenya ku ikubitiro. Ahubwo ngo jya ugerageza kuba uwo uri we, ibindi byose nubwo waba ubifite; nk’ako kazi keza n’imodoka, azaba abimenya kuko ntibigura urukundo cyangwa se ngo bibe byatuma agukunda  ndetse kandi niyo waba utanabifite irinde kwiyerekana uko uteri; icyo usabwa ni ukumwereka uko uri akagukundira uwo uri we ntagukundire ibyo ufite.

 Ngo nubwo akenshi usanga abantu benshi bibwira ko abakobwa bakunda abasore bafite ibintu ariko ngo burya si ko biri ababibakundira ntabwo baba bafite urukundo kuko ngo n’ikizabikwereka ni uko iyo yabigukundiye bikageza ho bigashira akwanga. Aha rero ngo menyako abakobwa bakunda ababereka ko bazabaha urukundo nyakuri, bakabatetesha, kuruta uko wamwereka ibintu, aha ngo icyabikwemeza ni uko ushobora kubona umusore ufite ibintu ndetse n’uburanga ari bwose  ariko ntakundwe, ariko hakaba n’ufite duke ariko ugasanga yigondeye umukobwa w’igishongore. Ibi rero ngo nta kindi bisaba uretse kwerekana ko uri umugabo nyamugabo ushobora kwifatira icyemezo runaka, ko uri umuhanga, ko ufite urukundo, ko uzamutetesha kandi ko ufite n’ubushobozi bwo kwitanga mu gihe bibaye ngombwa kuko ngo ibi ari byo akenshi abakobwa baba bifuza ku basore bumva bazagiraho ubucuti, naho ibindi bikaza ari inyongera.

Mugihe rero wowe musore uzirinda aya makosa yose ndetse ugakurikiza inama wagiye uhabwa, ngo hehe no kongera guterwa akadobo (kubengwa) cyangwa  ngo witinye utekereza ko nta wakwemera, kuko wabonye uko ugomba kubyitwaramo ubundi ukabona umukobwa w’inzozi zawe.

Intabwe 13 zo Gusomana Neza (Igice cya kabiri)

Gusomana Kwiza

Ku muntu utarasomana ho na rimwe yumva gusomana bigoye. Ariko kandi ni byo. Gusoma umugore, umukobwa cyangwa umuhungu bwa mbere ntibyoroshe. Kubibona mu mashusho biroroshye ariko kubishyira mu bikorwa ni ikindi kibazo. Iyi nkuru irakugezaho uburyo wakwitwara mu buryo bwo gusomana. 


7. Ntabwo ari ngombwa ko ukoresha ururimi kugira ngo gusomana biryohe. Gusomana kwinshi kuryoha ntigukoresha ururimi. Gukoresha ururimi(French Kiss) biraryoha ariko iyo umuntu abisobanukiwe neza. Niba utabisobanukiwe, byihorere gusomesha iminwa biraryoha na byo.

8. Iyo umaze kumenyerana n'umukunzi wawe ushobora kugerageza uburyo bwo gusomana bwabashimisha.

9. Ntugasuzugure gusomana. Ni ubryo bwo kuvuga ibyo udashobora kwatuza amagambo! Kumubwira ko umukunda kandi ko wifuza ko muba umwe. Abagabo benshi babona ko gusomana ari inzira ifite aho ibaganisha-ku gitsina. Ni byiza kubaha gusoma ukabikora ubikunze, iyo umugore abibonye ashobora kugusaba ko mujya mu yindi ntera.

10. Ni byiza gusomana uhumirije.Ushobora gutangira gusomana ureba ariko iyo iminwa imaze gukoranaho ni byiza gufunga amaso kuko bituma wibagirwa byose ugatekereza gusa ku gikorwa cyo gusomana. Abantu bakunze kuvuga ko niba umugabo arimo kugusoma areba ataba akwitayeho. Ni byo. Nuramuka urimo gusomana n'umuntu ukabona arakanuye uzamenye ko utamuba mu mutima!

11. Mbese urashaka ko agusoma? Mwegere. Umusekere, umurebe mu maso aho kureba hirya cyangwa hasi. Wikwipfumbata ahubwo irekure. Ugomba kwerekana ibimenyetso by'uko ushaka ko agusoma .Ku bagore, niba wifuza ko umugabo agusoma ugomba kwicara umwegereye kandi umureba. Niba muhagaze ntugomba kumutera umugongo. Ahubwo uramwegera ukamureba mu maso! Ushobora kumusaba ko agufungira neza iherena cyangwa akurebera niba urunigi rwawe rufunze neza! Kugira ngo abikore bisaba ko akuzengurutsa amaboko icyo gihe uhita umureba mu maso uteretse amaso ukamuhamagara mu izina n'akajwi koroshye. Ntiyabura kugusoma.

12. Gusomana n'igitsina. Iyo musomanye cyane hari igihe muba mwumva mushatse kujya ku yindi ntera. Si byiza ko mujya mu yindi ntera mutabyiteguye kubera ingaruka ziterwa no guhuza ibitsina bitateguwe. Ni byiza guhitamo gusomanira ahantu byatuma mudashobora guhuza ibitsina nko mu busitani bwa rusange cyangwa muri film. Gusomana mwicaye ku buriri akenshi bivamo guhuza igitsina.

13. Gira isuku! Ugomba koza mu kanwa kandi ukaba uhumura neza!

Intabwe 13 zo Gusomana Neza (Igice cya Mbere)

Ku muntu utarasomana ho na rimwe yumva gusomana bigoye. Ariko kandi ni byo. Gusoma umugore, umukobwa cyangwa umuhungu bwa mbere ntibyoroshe. Kubibona mu mashusho biroroshye ariko kubishyira mu bikorwa ni ikindi kibazo. Iyi nkuru irakugezaho uburyo wakwitwara mu buryo bwo gusomana.

 

1. Ntabwo ugomba gusoma umukunzi wawe gusa ari uko mugiye guhuza igitsina. Gusomana bigomba gukorwa buri gihe nk'ikimenyetso cy'urukundo mufitanye.

2. Kugira ngo utigora mu gusomana, wikwishyiramo ibitekerezo byinshi byo gusomana nka kanaka wabonye cyangwa wumvise. Soma umukunzi wawe mu buryo busanzwe kandi bworoshye umwereka ko umukunze.

3. Mbere y'uko usoma umukunzi wawe cyangwa undi muntu ugomba kumenya niba abishaka. Ushobora kubimusaba cyangwa ukareba ibimenyetso byerekana ko agushaka nko kuba arimo kukwegera cyane cyangwa akumwenyurira k'uburyo ubona ko agukunze.

4. Ntugatamira umunwa wose w'umukunzi wawe. Abagore ntibakunda umuntu ubasoma ku buryo iminwa itoha cyane.

5. Ntugakomeze iminwa yawe. Jya ureka iminwa yorohe. Ntugafunge iminwa yawe. Ugusoma agomba kumva iminwa yawe yoroshye, yirekuye kandi ishimishije, imutegereje.

6. Abagore benshi bakunze gusomwa banakorwa mu misatsi. Ntukibagirwe gukora mu misatsi y'umugore wawe cyangwa undi mukunzi.