“Uri bupfe n’ ubwo wamuha Nido arapfa” nta gihombo kutagira Lebel mbarizwamo: Amag The Black

Ku gicamunsi cya taliki 25 Nyakanga 2014,ubwo umuhanzi Amag The Black, uri mu bahanzi 7 bari guharanira umwanya wa 4 muri PGGSS, yabazwaga ku wo abona wakwegukana umwanya wa kane, yemeza ko umwanya wa 4 ari uwe kandi ngo nta gihombo afite kutagira Lebel abarizwamo mu Rwanda .

mag The Black kugeza ubu uri guharanira umwanya wa Kane muri Primus Guma Guma Super Star,ubwo yaganiraga n’Imirasire.com,akabazwa uwo aha amahirwe yo kuza ku mwanya wa Kane ndetse no kuba atagira Music Lebel abarizwamo niba atari cyo gituma atadatera imbere mu muziki we.

N’ibitwenge byinshi yagize ati:”Nta we mpanganye na we ku mwanya wa Kane n’ i Rubavu ni uko batahise babitangaza ni jye wari kuwuzaho. Nabarizwaga muri Lebel y’Ibisumizi nyuma irahagarara nta yindi ndiyambaza kandi nifuza gukoreramo.Urebye abafite Lebel babarizwamo nta cyo bandusha kuko turi kumwe muri 7 bahatanira umwanya wa Kane.”

Uyu musore uzwi mu ndirimbo ‘’Ifaranga,uruhinja Care’’ n’izindi, ni umwe mu bahanzi 10 bari mu irushanwa rya PGGSS4, bazengurutse hirya no hino mu gihugu bataramira abakunzi babo ndetse bagaragarijwe ko bishimiwe n’abatari bake.

source: imirasire