Urutonde rw'abahanzi nyafrika bakize

Umuziki nyafurika ni kimwe mu bimaze kugaragara mu myaka 3 ishize, abahanzi nyafurika bakaba baragiye bamenyekana ku rwego mpuzamahanga, rimwe na rimwe bitewe no kumenyekanisha indirimbo zabo, amajwi yabo ndetse no kungukiramo amafaranga. Muri urwo rutonde rw’abahanzi 10 bakize kurusha abandi, ubwiganze bwabo akaba ari abo mu bihugu bikoresha ururimi rw’icyongereza nka Nigeria, harimo kandi ubarizwa muri Senegal ndetse abandi bagaragazwa bakaba ari abagiye bakurira mu bihugu bya Leta zunze ubumwe za Amerika.

Mu nkuru yatangajwe na Magazine Forbes Africa ku italiki ya 25 Nzeri 2013, yerekana urutonde rw’abahanzi 10 bo ku mugabane wa Afurika bakize kurusha abandi, umuhanzi Akon niwe waje abimburira abo bahanzi bose. Akon  ni umuhanzi ufite inkomoko mu gihugu cya Senegali no muri Amerika, yashinze ikitwa Konvict Musique iyo ikaba ari inzu itunganya umuziki, ndetse anafungura imwe mu nzu nini zo gukoreramo umuziki, aho abahanzi bamwe bakomeye b’Abanyafurika nka « P-Square na Wizkid » banyura bazitabaza. Ibyo byose yagezeho ni bimwe mu bishingirwaho bigatuma afata umwanya wa mbere kuri urwo rutonde.

Don Jazzy

Don Jazzy niwe uri mu mwanya wa kabiri mu gukira. Uyu muhanzi amaze kugirwa nk’umuntu utunganya akanakora umuziki we neza mu gihugu cya Nigeria, akanafatwa nk’umuyobozi mukuru w’inzu itunganya ikanakora umuziki yitwa « Marvin Records na Samsung ». yagiye akora indirimbo zitandukanye z’abahanzi bakomeye barimo : D’Banj, Kanye West, Beyonce na Jay Z. 

P- Square  yo yashyizwe ku mwanya wa 3, ku mpamvu z’uko ifatwa nk’itsinda rikomeye cyane muri Afurika, ndetse rinatoranywa na Forbes Magazine Africa, nk’itsinda rikoresha ibitaramo bihenze. Uretse ibivuzwe hejuru, P Square yanabashije gutumirwa n’abakuru b’ibihugu bya Afurika batari munsi ya batanu, bikiyongera naho yagiye ku isi ahantu hatandukanye. D’ Banj ku mwanya wa kane, akaba umuyobozi mukuru wa  « DB Records » izwiho gutunganya umuziki, uyu muhanzi na we akomoka mu gihugu cya Nigeria akaba azwiho gukora ubucuruzi butandukanye ku rwego mpuzamahanga.

Wizkid, umuhanzi ukiri muto nawe wo muri Nigeria ufite zimwe mu nzu zitunganya umuziki ndetse amakuru amuvugwaho n’uko akorana na bamwe mu bahanzi b’ibihangange bo muri Amerika harimo na Chris Brown. Uyu muhanzi ni na we wemewe cyane uhagarariye ibinyobwa bya « Pepsi » muri Afurika, akanahagararira MTN muri Afurika.

2face Idibia

Kumwanya wa 6 hari 2Face Idibia. uyu muhanzi ni we uza kuri uyu mwanya mu bakize muri Afurika kubera guhagararira Umuryango w’Abibumbye mu bijyanye n’urubyiruko n’amahoro (Ambassader des Nations Unies pour la Jeunesse et la Paix), ibyo kandi akabikesha imikoranire afitanye na kompanyi zitandukanye zirimo : Guinness, Haven Homes, Airtel Worldwide n’izindi.

Anselmo Ralph yashyizwe ku mwanya wa 7, uyu we akaba ari umuririmbyi wo muri Angola. Niwe uhagarariye uruganda rwa Coca-Cola na Marike(Marque) ya Samsung. Ibyo byose bimutera gufatwa nk’igikomangoma mu gihugu cya Angola.

Source by RBA