Eric Senderi 'International Hit' ngo ntashobora kwihakana abana afite hanze

Si ngombwa ko mvuga amazina yabo ndetse  n’imyaka yabo kuko wasanga aho bari batabikunda, gusa barahari kandi ndabakunda kuko ari amaraso yanjye

Eric Senderi uzwi nka International Hit yavuzeko afite abana babiri ku bagore batandukanye bamaze gushakwa n’abandi bagabo.
Mu  kiganiro  Eric Senderi yagiranye  n’umunyamakuru  yavuze ko akiri umusirikare ari bwo yabyaye abo bana.

Senderi yanze kuvuga amazina y’abana be ati "si ngombwa ko mvuga amazina yabo ndetse  n’imyaka yabo kuko wasanga aho bari batabikunda, gusa barahari kandi ndabakunda kuko ari amaraso yanjye”.
Senderi akomeza avuga  ko kugira abana atari igitangaza kuko ari umugisha uva ku Mana ati "njye ntabwo meze nk’aba bandi bahakana abana babyaye”
Senderi abajijwe impamvu asigaye agendana igikombe cya Salax Awards aherutse kwegukana yasubije agira ati " iki gikombe nakibonye nkibabaye cyane, kuko ni kenshi nagombaga kukibona, ariko singire amahirwe  kuba narakibonye mbikwiye ngomba kukigendana aho ngiye hose kugira ngo abandi twari duhanganye bamenye ko mbayoboye”