Champions league:Nyuma y’imyaka 40 Atletico Madrid yongeye kugera ku mukino wa nyuma

Nyuma yo kunganya umukino ubanza wabereye muri Espagne ku kibuga cya Atletico Madrid,ikipe ya Chelsea ntiyahiriwe n’umukino wo kwishyura,kuko yatsindiwe mu rugo ibitego 3-1.

Hari hashize igihe kigera ku myaka 40 Atletico itagera aha ngaha,ihageze idatsinzwe umukino n’umwe,ihasanze mukeba Real Madrid yatsinze Bayern Munich 5-0.

Ikipe ya Chelsea niyo yabanje gushyiramo igitego,ku munota wa 36 gitsinzwe na rutahizamu,Fernando Torres wanakiniye iyi kipe ya Atletico Madrid,akayivamo yerekeza muri Liverpool mu bwongereza.

Terry ntago yari mu bihe bye ku mugoroba

Iki gitego nticyatinze kwishyurwa kuko ku munota wa 44,ikipe ya Atletico yaje kucyishyura,umukino igice cya mbere kirangira gityo.Chelsea ibyo yari yagize guhagarara mu izamu nkibisanzwe,byaje kwanga aremera arafungura arakina,si ukwataka karahava.

Ikipe ya Chelsea yaje kugorwa no kwatakwa bikomeye kwa Atletico Madrid,ari nabyo byaje kubaviramo ibindi bitego bibiri.

Ku nshuro ya mbere Atletico yageze ku mukino wa nyuma kuva mu 1979 isanzeyo mukeba Real Madrid yaraye itsinze Bayern Munich ibitego 4-0 (ku giteranyo cya 5-0).

Ku mukino wa nyuma hazahurira Real Madrid na Atletico Madrid, ni ku nshuro ya mbere mu mateka y’iri rushanwa amakipe abiri yo mu mujyi umwe ahurirayo.

Amakipe yo mu mujyi umwe yaherukaga guhura mu 2003 muri ½ cy’irangiza hagati ya AC Milan na Inter Milan.

Mu mikino y’i Burayi, aya makipe y’i Madrid yaherukaga guhurira muri ½ cy’irangiza mu 1958-1959.

Atletico ayaherukaga kugera ku mukino wa nyuma mu 1974, imyaka 40 irashize, bikuyeho agahigo ka Inter Milan yamaze imyaka 38 ikongera kugera ku mukino wa nyuma mu 2010.

Ni ku nshuro ya 17, amakipe yo mu gihugu kimwe ahurira ku mukino wa nyuma. Hari hasanzwe umukino umwe wahuje amakipe abiri yo muri Espagne, ubwo Real Madrid yatsindaga Valence ibitego 3-0 mu 2000.

Atletico Madrid igeze ku mkino wanyuma nyuma y’imyaka 40

Uyu mukino wa nyuma w’amakipe yo muri Espagne, ukurikiye uw’ayo mu Budage mu 2013 hagati ya Bayern Munich na Borussia Dortumund. Ubwo aya makipe yahuraga mu gikombe cy’umwami, Real yayitsinze 5-0 mu mikino ibiri gusa muri shampiyona, Atletico ni iya mbere iyirusha amanota atandatu ku mwanya wa gatatu nubwo ifite umukino w’ikirarane.

Umukino wa nyuma uzaba tariki ya 24 Gicurasi 2014 kuri sitade ya Estádio da Luz ya Benefica Lisbone.