Umuhanzi R-Tuty yashyize hanze indirimbo idasanzwe yitiriwe umukunzi wa Desire Mbonabucya, Brenda

Nyuma y’uko umuherwe w’umucuruzikazi wo mu Bufaransa akaba n’umukunzi wa Desire Mbonabucya Brenda,ahisemo R-Tuty nk’umuhanzi akunda cyane mu gitaramo cyabereye muri Hoteli yitwa Sheraton mu mujyi wa Bruxelles mu Bubiligi cyari cyahuje abahanzi batandukanye,uyu muhanzi yashyize hanze indirimbo idansazwe yitiriwe uyu mukobwa.

Umuhanzi R-Tuty

Iyi ndirimbo umuhanzi R-Tuty yayiririmbye nyuma yo kubisabwa na Desire Mbonabucya n’umukunzi we PDG BRENDA THANDI MBATHA aho yitiriwe izina rye ndetse akaza no kuyiririmba ku isabukuru y’uyu mukobwa ubwo yuzuzaga imyaka 35 y’amavuko ari naho yahise yambikwa impeta na Desire.

Desire yambika umukunzi we Brenda impeta y’urudashira

Desire Mbonabucya wabaye Capiteni w’Amavubi n’umukunzi we PDG BRENDA THANDI MBATHA bakaba bariyemeje gutera inkunga umuhanzi R-Tuty mu bikorwa arimo gutegura byo kumurika Alubumu ye yise Intero y’umutima yakoranye na Fazzo Big Prod.
Ibirori byo kumurika iyi alubumu bikazaba taliki ya 6/12/2014 guhera isaa tatu z’ijoro mu mujyi wa Bruxelles aho kwinjra azaba ari Amayero 15.

Nyuma y’igitaramo R-Tuty akazahita afata indege akaza mu Rwanda aho azaba aje gukora amashusho y’indirimbo ze ndetse no gutungana imwe mu mishinga ya muzika afitanye na Producer Fazzo , akaba azanataramira abakunzi be bari mu Rwanda.

Desire n’umukunzi we Brenda bamanyura umutsima

Umuhanzi R-Tuty akaba ashimira cyane Desire Mbonabucya n’umukunzi we Brenda kuba baramutoranyije nk’umuhanzi bakunda ndetse bakemera kumutera inkunga , Producer Fazzo ndetse n’abafana be muri rusange uburyo badahwema kumuba hafi mu bikorwa bye bya muzika.

Umuhanzi R-Tuty ashimirwa n’umukunzi wa Desire, Brenda

Source: Imirasire