Dream Boyz yitabiriye itorwa rya Miss East Africa Belgium

Kur’ uyu uwa gatandatu tariki 7 Ukuboza nibwo berekeje I Belgium, iri tsinda  mbere yo kugenda, Platini na TMC bahisemo gusiga bashyize hanze amashusho y’indirimbo Ungaraguza agati bakoranye na Riderman

Bimenye Neza, iganira nabo basore Platini na TMC, bagize bati “iyi n’ impano duhaye abakunzi b’umuziki nyarwanda muri rusange indatwa za Dream Boyz, tubifuriza kuzarangiza neza umwaka wa 2013.”

Bakomeza bagira bati “amashusho ya Ungaraguza agati agaragaza ko mu Rwanda ibintu bigenda bitera imbere. Urebye indirimbo nka ‘Magorwa’ ukareba na ‘Ungaraguza agati’ buri muntu afite uko yapima itandukaniro. Gusa kuri twe bigenda biba byiza nubwo amikoro akiri make mu kuba umuntu yakora video yifuza.”

Tmc ubwo yabazwaga urwego bumva bashaka kugezaho itsinda rya Dream Boyz, dore ko bageze aho batumirwa ku mugabane w’u Burayi, TMC yagize ati “Buri gihe umuntu ahora ashaka gutera imbere, gutumirwa mu mahanga ni byiza kuko bikwereka ko hari abandi bantu bita ku muziki wawe batari abo mu Rwanda gusa. Ariko niyo tutatumirwa tugomba guharanira kuba abahanga b’icyiza tukaba abaswa b’ikibi. Ni ukuvuga kotugomba guhora dukora cyane.”

Bamwe mu bahanzi n’abaririmbyi bo mu rwanda bakunze kuvugwaho gukora amashusho atanogeye ijisho ariko TMC yemeza ko ubu gukora video bibatwara amafaranga menshi kuko bashyiramo ingufu nyinshi kuko ngo bagamije gukora ibyiza gusa biri ku rwego mpuzamahanga, aho byakurura n’abanyamahanga gukunda ibihangano byabo hakaba ndetse n’abifuza kuzajya baza gutunganyiriza muzika yabo mu Rwanda.

kanda hano uyirebe